Kultuur

Debat
Ons neem aan die ATKV se debatskompetisie deel en in 2018 het drie spanne deurgedring na die semifinaal. Ons het gereeld senior sowel as junior spanne in die eindrondte. In 2013 het Hugenote die nasionale senior wenners opgelewer. In 2014 het ons Juniorspan tot die finaal gevorder en in 2016 sowel as 2017 het ons senior span dieselfde vermag. 2018 was weer die jaar vir die junior debatspan by die finaal. Hugenote neem ook jaarliks aan die DF Malan se Dink-of-Sink debatskompetisie deel. Ons was die Senior wenners in 2013. Ons Junior span was in finaal in 2017 en ons senior span in die semifinaal, ook in 2018. In 2017 sowel as 2018 wen ons junior debatspan die Historium debatskompetisie. Ons neem ook aan die WOW- debatfees deel.

We have a junior as well as a senior debating team in the Western Cape Debating Society. This competition promotes unprepared, impromptu thinking skills. In 2016 the senior team progressed to the provincial finals.

Redenaars
Ons neem jaarliks aan die ATKV se redenaarskompetisie deel en het al verskeie deelnemers in eindrondtes gehad. In 2014 het een van ons leerders nasionaal tweede gekom in die Afrikaans Eerste Addisionele Taal-afdeling en in 2015 het ons die Nasionale wenner opgelewer, asook `n junior finalis in die Huistaalafdeling. In 2018 het `n grad 8-leerder die 8ste posisie in die land behaal.

Op-die-planke
Hugenote het die afgelope drie jaar musiekblyspele opgevoer wat aand na aand vol sale getrek het. In 2016 voer ons die pragtige “Beauty and the Beast” op, in 2017 die immer-gewilde “Sound of Music” en in 2018 “Grease”. Vanjaar sien dit die baie bekende “Annie”.

Skoolkoor
Ons gemengde koor van sowat 80 lede tree dikwels op en vaar goed in die ATKV Applouskompetisie. In 2013 was hulle die Wes-Kaapse wenners in hulle afdeling. Die koor neem aan verskeie Eisteddfods deel en goud+ is die norm. ‘n Koorkamp aan die begin van die jaar laat koorlede gou deel van die groep voel en nuwe stukke word vinnig aangeleer. Ons koorleier is Johann Enslin, bemarker van Hugenote Hoërskool, en die begeleier is Winand Grundling, bekroonde pianis en orrelis. In 2015 is ‘n kort toer na die Namakwaland onderneem en vir en 2017 ons in Namibië getoer. ‘n Gala-konsert in Oktober is ‘n groot gebeurtenis. Die koor het in 2018 aan die World Choir Games deelgeneem waar hul in twee kategorieë ‘n goue en silwertoekenning ontvang het. 2019 behaal hul weer Goud by die ATKV Applous-kompetisie.

Eisteddfod
Behalwe dat ons koor aan die Eisteddfod deelneem, het ons elke jaar ook ‘n groot groep wat in die verskillende voordragafdelings vir prosa en poësie deelneem. Redevoering is deesdae ook ‘n gewilde afdeling. Leerders word intensief afgerig en behaal topprestasies. Die sang- en dramaleerders neem ook deel. Trofeë word in verskillende kategorieë ingepalm.

Kultuur Gallery