Sport

Muurbal
Muurbal word as wintersport aangebied en wedstryde vind op Vrydagmiddae plaas. Ons maak gebruik van die dienste van ‘n muurbalafrigter. Spelers kan ook aan ander spansporte deelneem aangesien die oefentye so opgestel is dat deelname aan ander sportsoorte moontlik is.

Netbal
Hugenote beskik oor ‘n baie goed gekwalifiseerde afrigterkorps waaronder vier NSA Vlak 2-afrigters en een nasionale skeidsregter. Ons o.18 A-span word deur Nicolene Human afgerig. Ons het 2018 twee nasionale spelers en vier Kaap Wynlandspelers opgelewer. Al ons A-spanne toer na die Waterkloof Netbalfees en die AJ Sportweek in Mosselbaai. Ons glo aan harde werk, holistiese afrigtingsmetodes en om goeie spandinamika te bevorder en te kweek onder afrigters, spelers en ouers.

Rugby
Hugenote Hoërskool handhaaf ‘n baie hoë standaard in ons rugbyafrigting en spel. Ons eerstespanafrigter, Lance Sendin, was betrokke by die afrigting van die SA Skolerugbyspan. Verskeie van ons spelers en oudspelers presteer uitstekend. Die mees onlangse voorbeelde is: Gideon Koegelenberg (Sharks 2018), Juan de Jongh (Springbokrugbyspeler), Vincent Koch (Springbokrugbyspeler) en Frankie Horne wat kaptein was van die SA Sewesspan. Hierbenewens lewer ons jaarliks verskeie provinsiale spelers op.

Seunshokkie
Hugenote se vyf seunshokkiespanne vaar jaarliks besonder goed in hulle onderskeie ligas. Elke jaar word talle van ons spelers opgeneem in Bolandspanne. Jaarliks word aan verskeie toere/toernooie deelgeneem.

Dogtershokkie
Hugenote het 7 meisiehokkiespanne. Jaarliks word daar spelers gekies vir verskeie Bolandspanne en met die Astro, gaan Hugenote-hokkie van krag tot krag. Tydens die Maart/April-vakansie word daar deur al die oudersdomsgroepe toere onderneem na toernooie in Bloemfontein en Potchefstroom.

Golf
Our golf team plays in the Boland summer and winter league. We undertake a tour every second year and we play on some of the top courses in the Western Cape.

Chess
Huguenot’s chess team competes on a weekly basis against other schools. Some of our players also represent Boland regularly.

Biathle
In hierdie sportsoort, wat bestaan uit ‘n hardloop-, swem- en hardloopitem wat aaneenlopend plaasvind, vaar ons atlete uitstekend. Ons het al Boland-kampioene opgelewer en 7 van ons atlete het al oor die jare SA verteenwoordig.

Tweekamp
Entoesiastiese en kundige afrigters sorg dat ons tweekampatlete gereeld puik prestasies behaal. Ons lewer jaarliks verskeie provinsiale atlete op en kan dikwels met Boland en Suid-Afrikaanse kampioene in hierdie sportsoort spog.

Landloop
Landloop word aangebied as ‘n sport in eie reg. Ons het ‘n groep entoesiastiese atlete wat weekliks deelneem aan landloop-ligabyeenkomste waar hulle puik presteer en as span gereeld koning kraai.

Krieket
Hugenote het vier krieketspanne. Hugenote se krieketspanne vaar baie goed in hulle onderskeie ligas. Die o/19A-krieketspan het tot die kwarteindrondte van Boland se T20 uitklopkompetisie gevorder. Drie spelers toer verlede jaar saam met ‘n gekombineerde span na Nederland gedurende die Junie-vakansie.

Tennis
Ons tennisspelers word deur HEAT Academy afgerig. Ons is baie opgewonde oor die betrokkenheid van HEAT Academy en weet dat ons tennis net van krag tot krag sal gaan. Wedstryde vind Maandae plaas. Spelers word gereeld geëvalueer, op ‘n ranglys geplaas en daarvolgens in spanne opgeneem. Ons neem aan verskeie toernooie deur die jaar deel tot so ver as Cradock in die Oos-Kaap.

Atletiek
Hugenote se atletiek gaan van krag tot krag. Teen einde 2016 is ‘n aantal professionele afrigters aangestel. Nege van Hugenote se atlete verwerf provinsiale kleure.

Swem
Ons neem deel aan verskeie galas in die Boland-streek gedurende die eerste en vierde kwartale, onder andere interskole teen Swartland, ‘n 6-hoekige gala, Frank Myburgh Twilight gala, sowel as ander kleiner en aflosgalas. Hugenote beskik oor ‘n 25m-swembad met vyf bane en professionele afrigting word behartig deur mnr. Etienne van der Merwe.